No.1-ah Fiona 'Kristaa Lawmna'

Honda Dio Ṭhazual Fakna chart-ah Fiona Lalmalsawmi hun a inher chhuak a, a hla 'Kristaa  Lawmna' hmangin chart No.1 a ni. Miriam Lalnundiki 'Lawmna Hla' chu pahnihna a ni a, Angaihtei Hnialum 'Ka nun I tan ka pe' chu pathumna a ni bawk.

Fiona Lalmalsawmi chuan a hla thar ber 'Kristaa Lawmna' chu hun eng emaw chen hnuah Ṭhazual Fakna chart-ah pakhatna a rawn ni ve leh ta. The Chosen vocalist hla 'Kristaa Lawmna' hi Rev Zo­ram­sanga phuah a ni a, nikum kum chawhnu lama a tihchhuah kha a ni. Jazz music lam hawi, a aw mil tak hla pakhatna a, a hla a special bawk a, pakhatna a ni pawh hi a awm hle. Fiona hian Parema hla 'I hming chauh' tih kha pakhatna a lo nihpui tawh bawk a ni.

Fiona hian hla thar tichhuak turin hmachhawp a nei mek a, chumai bakah chuan band anga project tihchhuah tur an nei bawk. Crosscraft project tiin an project thar hming hi an vuah tih Vanglaini a hrilh. An tihchhuah hun tur erawh a la hre chiah lo a, kan hmu thei thuai turah ngai ang.

Chart hmasaa pathumna Miriam Lal­nundiki 'Lawmna Hla' chu pahnihnaah a rawn invawrh ve thung. Miriam-i hian hma a sawn zel a, a dinhmun a sawh nghet sawt hle. Chart hmasaa pakhatna Angaihtei Hnialum 'Ka nun I tan ka pe' chu pathumnaah a awm ve thung a ni. Pakhatna dinhmun pawh lo luah tawhtu tho R. Lalruatsangi -'Chanchinṭha hril' chu palina niin, One In Christ chuan 'Zing Daifim' hmangin char top 5 an khar thung.

Honda Dio Ṭhazual fakna Top 10

1    Fiona Lalmalsawmi     - Kristaa lawmna

2    Miriam Lalnundiki    -  Lawmna Hla

3    Angaihtei Hnialum     - Ka nun I tan ka pe

4    R. Lalruatsangi     - Chanchinṭha hril

5    One In Christ     - Zing Daifim

6    Rintea ft Hmingpuia     - Ka lawm zel ang

7    Manuni     - Eng ka hmu ta

8    Mawitea    - Chibai ka buk che

9    Vanlalruata     - Jehova

10    Sword Tune     - Rawn pan rawh