Yamaha MT-15, Ray ZR 125 BS-6 Mizoramah tlangzarh

India ramah dan thar duan a ni a, chumi hnuaiah chuan lirtheiin boruak chhia a pek chhuah ṭhin tihziaawmna turin BS-6 hman vek a ngai tawh dawn. Hemi a nih avang hian Thansanga & Sons Auto Division chuan tunlaia bika hralh kal tak MT-15 leh Ray ZR 125 BS-6 nimin khan an tlangzarh.

Thansanga & Sons Auto Division hi India rama Yamaha two-wheeler dealer zinga MT-15 hralh chhuak tam ber an ni a, BS-6 pawh hi ṭhalaiin an bawr leh nghal hlein a rinawm. January khan Fascino 125 BS-6 an tlangzarh tawh a bawk. April thla aṭang hi chuan BS-6 chiah hi hralh chhuah theih a ni tawh dawn a, hemi vang hian BS-4 hmang lirtheite chu man pangngaia aia tlawm zawkin an zuar chhuak mek a ni.

MT-15 hi ex-showroom price Rs 1,41,960 leh Rs 1,41,495 a nih laiin insurance, road tax leh thil dang zawng zawng tihfel hnuin Rs 1,57,839 leh 1,57,357-in lak chhuah theih a ni a, BS-4 aiin rawng hrang duhthlan tur a tam zawk bawk.Ray ZR 125 BS-6 lei nan insurance, road tax leh thil dang zawng zawng tihfel hnuah Rs 83,322 (disc brake) leh Rs 80,223 (drum brake) sen a ngai a ni.