Dream Theatre-in scholarship program an siam

Progressive metal band Dream Theatre chuan an music school kalna ṭhin, Berklee College of Music-ah  scholarship program an ṭan.

College ṭha luh a har a, a hautak bawk. Dream Theatre guitarist John Petrucci pawhin hei hi a hrechiang a, a fapa Reny ngei pawh Berklee aṭang hian kum 2018 khan a graduate a ni. Dream Theatre-in scholarship program an siam chhan pawh hi chumi vang chu a ni ngei ang.

Petrucci chuan Berklee President Roger Brown hmuin Dream Theater Scholarship chungchang hi an sawi dun a ni. "Dream Theatre hi progressive metal midang nasa taka tihmuhtu an ni. Kan campus-ah pawh Dream Theatre t-shirt chu kum eng emaw zat chu thawmhnaw lar ber zinga mi a ni tawh a, an band avang hian zirlai tam takin Berklee-a kal hi an thlan phah a ni.  Dream Theater min thlawpna avang hian kan lawm hle," tiin Brown chuan a sawi zui.

Scholarship fund hi Berklee Global Development Officer / Executive Producer Mirek Vana leh Dream Theater manager Frank Solomon-te chuan an buaipui dawn a ni.

Dream Theatre mai bakah hian Berklee-ah hian milar tam takin music an lo zir tawh ṭhin. Chung zingah chuan John Mayer, Steve Vai, Charlie Puth leh Joey Kramer-te pawh an tel a  ni.