Zaninah Ticos Dara Music video thar

Mizo Idol aṭanga Zoram mipuiin kan hmelhriat, a bikin tleirawl ten an duh em em mai Ticos Darhmingliana chuan music video a peih fel leh ta a, zaninah tihchhuah a ni ang. Ticos Dara hla thar hi 'Thinlung inmil lo' tih a ni a, Hope Music YouTube channel-ah upload a ni ang.

He hla hi Matlana Chhak­chhuak phuah niin, a satu aw nen pawh hian a inmil hle. Music leh recording hi Hmachhuana (Hope Music) siam sak niin, video hi Remruata (Bilywaif) kutchhuak a ni thung.

'Lungmawl duhaisam' singer Ticos-a hian music video a siam ve ta nual a, thlan pawh a hlawh hlawm hle. Mizo Idol intihsiak laia a sak 'Lungmawl duh­aisam' phei chu a larpui hle a, Ṭhazual chart-ah pawh kan hmu zing mawlh mawlh hle. Tun ṭuma a hla thar 'Thinlung inmil lo' pawh hi a hit leh hle tura beisei a ni.

Ticos Dara music video pathumna tur 'Thinlung inmil lo' hi ngaihzawng hlui tana thuchah a ni deuh ber a, nula tlangval tan chuan ngaihthlak manhla tur tak a ni.