Guilty an fak, Baaghi 3 an sel

Netflix-in Hindi drama film an tihchhuah Guilty chuan India ramah boruak a nei lian nghal hle a, action thriller film Baaghi 3 erawh film review-tu lamin an fak lo hle thung. Guilty hi Zirtawpni khan Netflix chuan a tlangzarh a, India rama entertainment media lam chuan an ngaihven hle a, Baaghi 3 nen kar tawpa boruak nei lian ber film an ni a, Bollywood movie tuipuitu tan erawh heng film pahnihte hi hmaih phal chi a ni lo ang.

Kabir Singh en tawhte chuan Kiara Advani film chan thiam zia an hmu hmaihin a rinawm loh a, Guilty-ah pawh hian a thiam thil show lehin Guilty en tawhte chuan an fak lehpek hle. Social media leh a bollywood star dangte pawhin Kiara Advani hi an fak a, Guilty-a a role play mipuiin hmuhnawm an ti. Akansha Ranjan Kapoor pawhin fak a hlawh a, Netflix subscriber tan chuan Guilty hi en hmaih tur chi a ni lo. 

Zirtawpnia Guilty screening-ah khan mi lar tam tak karah Gully Boy star Alia Bhatt a langsar hle a, a BFF Akansha Ranjan Kapoor channa a ni bawk a, a phur hle tih a hriat. Instagram lamah Kiara Advani fak zuiin, a performance chu a beisei phak bak a nih thu a sawi a ni.

Tiger Shroff leh Shraddha Kapoor channa a ni a, hlawhtling lo chi a ni lo. Chutih rualin film review-tu lam erawh chuan an fak lo hle a, NDTV phei chuan rating-ah 1 star (5 star-ah) chiah a pe.

Tiger Shroff chevelin fak a hlawh lo mah se thlirtu lam erawhin an en duh viau thung. India mipui tam berin film awihawm loh deuh hmuhnawm an tihzia tichiang turin film review-tute'n an sawisel nasat  Baaghi 3 chuan tlangzarh a nih ni, Zirtawpniah khan Rs Vbc 17.5 tehmeuh a lalut. Inrinni khan  Rs Vbc 16.03 lalut lehin Pathianniah khan Rs Vbc 20. 30 lai a lalut leh. A sum lakluh tawh zawng zawng hi Rs vbc 53.83 a tling tawh a, Tiger Shroff leh Shraddha Kapoor-te'n fan an neih ngah zia hei hian a tilang awm e.