Social Festival 'Embrace 2019' ṭan a ni ta

Salvation Army, India Eastern Territory buatsaih social festival 'Embrace 2019' chu nizan khan Dawr­pui Multipurpose Centre-ah ṭan a ni ta a, April 28 thleng a awh dawn a ni.

Festival hawnna hi Territorial Commander (TC) Commissioner Lalzamlova chuan neiin, Chief Minister Zoramthanga chu chief guest a ni a - K. Beichhua, Minister S.W.D chuan Guest of Honour niin a hmanpui bawk.

Embrace 2019 hi Salva­tion Army ten Home an neih hrang hranga awmte leh anmahni en­kawltute tana buatsaih niin, intihhlimna chi hrang hrang neihpui an ni ang. Home nau­pangte hi infiamna piah lamah excursion neihpui an ni dawn a, an mi ngaihsante nen inkawmna hun remchang siamsak an ni dawn bawk.

Vawiinah Fokland Park-ah sports neihpui an ni dawn a, zan lamah 'Night With The Stars' programme an hmangzui dawn a ni. He hun hi so­cial media lama lar tak Drew Pachuau chuan a host dawn a, Home hrang hrang­ten item an nei dawn a ni.

April 26-ah I.D.E.A. (Identify - Detect - Extract - Atone) Meet neih a ni dawn a, zan lamah Vanapa Hall-ah Social & Community Night an hmang zui leh bawk ang. April 27 zanah Aizawl Bazar Corps-ah Worship Night neih a ni ang a, April 28-ah Aizawl Temple Corps-ah a kharna neih tura ruahman a ni.