Milar ten Sri Lanka-a thil thleng an dem

Kristian te ni pawimawh Easter Sunday-a Sri Lanka-a tualthahna rapthlak tak thleng chuan dem a hlawh hle a, milar tam takin pawi an tih thu an sawi. Mariah Carey, M.I.A. leh Imagine Dragons te chuan he thil thleng hi an dem thu sawiin, nunna chan chhungte an tawrhpui thu an tarlang.

Sri Lanka-ah hian April 21 khan Biak In leh hotel-ah bomb chak tak a puak a, mi 300 chuang zetin nunna an chan. He pawikhawihna thleng hian khawvel a deng­chhuak a, demna thu pawh an auchhuahpui nasa hle. Milar tam takin he thil thleng an dem thu hi an sawichhuak; chung zingah chuan Dan Reynolds pawh a tel a ni.

Bomb puaka nunna chan te hi vuiliam an ni tawh a, anmahni thlah liam tur hian mipui ṭhahnem tak an pungkhawm a ni. He pawikhawihna thleng kaihhnawihah hian mi eng emaw zat man an ni tawh a, chhui zui mek a ni bawk.

Bomb hi Easter Sun­day puala inkhawm neih­na Catholic Biak In pathum-ah tihpuah a ni a, Colombo khawpuia luxury hotel pathumah tihpuah a ni bawk. Thi zat pawh an la pun belh reng a, he pawikhawihna thleng hian dem a hlawh tak zet a ni.