NEXA Virthli Festival Rock Fest-ah Origami an thiam ber

Mizoram University festi­val lian 'NEXA Virthli Festival 2019' neih mekah Rock Fest zawhfel a ni ta a, a pumpuiah Origami te an thiam ber.

MZU zirlai bakah pawn­lam mite tel theihna, Rock Fest hi April 24 khan neih niin, band ṭha tak tak an inlan a ni. Chung zingah chuan Origami an thiam ber a, lawmman pawi­sa fai Rs. 30,000 an dawng. Pahnihna chu Sword Tune niin, Prosaic Mind te chu pathumna an ni. Pahnihna Sword Tune hian Rs. 15,000 an dawng a, Prosaic Mind te hnen­ah Rs. 10,000 hlan a ni bawk.

Mimal lawmmawn
Virthli Fest-a ngaihhlut ber pakhat Rock Fest-ah hian mimal lawmman ṭha tak siam niin, Best Vocalist, Best Guitarist, Best Bassist, Best Keyboardist leh Best Drummer te thlan an ni.

A pumpuia pakhatna Origami ten mimal chawi­mawi­na pawh an hui deuh vek a, Best Bassist, Best Keyboardist leh Best Drummer te an la a ni. Bruce Pachuau chu Best Bassist atan thlan niin, Rinzauva chuan Best Keyboardist a la a, Malsawma Bawihtlung chuan Origami tan Best Drummer lawmman a la bawk.

Hetih lai hian Sword Tune vocalist Remrema chu Best Vocalist atan thlan a ni a, Sword Tune tan hian Chama chuan Best Guitarist chawimawina a hlawhchhuak bawk. Rock Fest inelna zawh hnu hian Encore programme hman a ni a, Scavenger Project, Event­flow leh Jerry (Mizo Idol 2018) ten zaiin mipui an awi a ni.