'Beauties of the Year' list-ah Jennifer Lopez
People Magazine chuan Nilaini khan 'Beauties of the Year' list a tichhuak a, singer Jennifer Lopez, Camila Cabello, leh Kacey Musgraves te an lang.
Anni bakah hian American actress Brie Larson, Priyanka Chopra Jonas leh Nicole Kidman te chu list-ah hian an lang bawk.
Celebrity magazine lar 'People' hian 'Beauties of the Year' hi tehna hrang hrang hmangin an thlangchhuak a, Jennifer Lopez chu 'Beauties Giving Back' atan an thlang. 'Havana' singer Camila Cabello chu 'Pop Princess' title pek niin, American singer Kacey Musgraves chu 'The Songbird' a ni ve thung.
Captain Marvel star Brie Larson, Indian actress Priyanka Chopra Jonas leh Hollywood star Nicole Kidman te chu chawimawina an hlan bawk.
People Magazine hian kum danga an lo tih ṭhin tawh angin 'Beautiful Issue' an tichhuak leh dawn a, American actress chhelo Jennifer Garner chu cover girl atan an hmang a ni.