Avengers: Endgame a chhuak ta
Kumina film chhuak tur zinga ngaihven hlawh ber tih ngam Avengers: Endgame chu nimin khan India-ah release a ni ta a, sum lakluh tam lamah record a siam nghal nual.
American film director lar Anthony Russo leh Joe Russo te kutchhuak Avengers: Endgame hian China-ah chuan tlangzarh ni la la hian $mtd 107.2 zet a lalut a, hei hi India pawisa chuan cheng vaibelchhe 750 a ni!
Avengers hian Chinese Box Office-ah record a siam rual hian, Asia khawmualpuia film tlangzarh tawh zingah release nia sum lalut hnem ber a ni nghal bawk. American film star Chris Evans leh Brie Larson te channa hi Asia khawmualpuia ram hrang hrangah hralh a kal hle a, ticket an inchan lo a ni ber.
A hmun atan India
Avengers: Endgame tlangzarhna pui ber hi India-ah neih a ni a, hemi rual hian ram ṭhenkhatah pawh release ve nghal a ni.
Hollywood film tlaknatna North America lam pawh hawi loa India-ah tlangzarh a ni hi India film industry tan chanchin lawmawm tak a ni a, English title chauh pawh duh tawk lo a - Hindi, Tamil leh Telugu ṭawnga tihchhuah a ni leh zel hian mipui lawmna a thlen ngei ang.
He fantasy/sci-fi film hi ramchhung khawpui hrang hrangah chhuah nghal niin, cinema hall 2,500 vel zetah mipui en theih tura chhawpchhuah a ni. Bollywood lal ram India aṭanga a sum lakluh hi vaibelchhe 400 vel a ni a, mipui a hip tak zet tih a lang.
BookMyShow chuan ticket maktaduai 2.5 vel an hralhchhuak tih an sawi a, an hralh nasat ber lai chuan second khatah ticket 18 vel hralh chhuak ang an nih thu an tarlang.