Taylor Swift hla thar 'Me'

American singer Taylor Swift chuan hun eng emaw chen hnuah music video a tichhuak ve leh ta. A hla thar hi 'Me' tih a ni a, nimin khan release a ni.

Taylor Swift hian a music video tharah hian American rock band, Panic! at the Disco-a an singer Brendon Urie a thawhpui a, ngaihven a hlawh hle. YouTube lamah pawh en tur a awm tawh a, mi maktaduai 30 chuangin an view leh der tawh.

YouTube-ah hian record a siam nghal pang a - viewer maktaduai 10 nei rang ber a ni. A video hi a hmuh­nawm a, mit leh beng a tlai hle.

Swift hi Ningani khan ABC-ah inlanin, Robin Roberts chuan a interview. Hemi ṭum hian a music video thar chungchang hi a sawichhuak a, a tukah a release zui nghal a ni.

American pop star hian a album pasarihna tur a buaipui mek a, 'Me' pawh hi a album thar tur a mi hi a ni. Tun ṭuma a music video hi 2017-a Reputation album a tichhuah hnua a music video hmasa ber a ni.