NEXA Virthli Festival a ṭiak ta
Mizoram University festival lian leh ngaihhlut NEXA Virthli Festival chu nizan khan zawhfel a ni a, Runway Showdown-ah Mizo Department te chu pakhatna an ni.
Festival tawp ni hian Varsity Miss leh Mister thlanna neih niin, Ashley Lalremruati chu Miss Varsity atan thlan a ni a, Mr Varsity chu Lalhmingsanga a ni.
Runway Showdown
MZU festivalah hian item chi hrang hrang a awm a, chung zinga ngaihven ber pakhat chu Runway Showdown hi a ni. Department hrang hrangte inelna a ni a, college ṭhenkhat an tel ṭhin bawk.
Kuminah hian Department 11 an tel a, a pumpuiah Mizo Department te pakhatna an ni. Pakhatna hian Rs. 40,000 an dawng a, Management Department leh English Deparment ten Rs. 20,000 leh Rs. 10,000 an dawng bawk. Theme hi 'As you like it' leh 'Disney' te hman a ni.
Westside Runway Showdown-ah hian mimal lawmman siam a ni a, Best Model - mipa leh hmeichhia thlanchhuah a ni. Best Female Model atan Vanlalruatpuii Ralte, Psychology Department chu thlan a ni a, Management Deptment lamin David Lalchawisanga hmangin Best Male Model an la ve bawk.
Westside Runway Showdown tawp khar nan hian Escape Engmoia spring summer 2019 collection phochhuah a ni a, model chhe lo tak tak an inlan. Femina Miss India 2018-a 2nd runner up Shreya Rao bakah, Parmila Chhetri, Mary Khyriem leh Lily Darnei te chuan ramp an zawh a ni.
Runway Showdown Top 3
1. Mizo 2. Management
3. English
Best Male Model - David Lalchawisanga, Management Dept.
Best Feale Model - Vanlalruatpuii Ralte, Psychology Dept.
Miss Varsity : Ashley Lalremruati (Economics)
1st Runner Up : Rivca Lalnunsangi (English)
2nd Runner Up : Michelle (English)
Miss Personality : Manisha Ch Marak (Chemistry)
Miss Catwalk : Lallawmawmi (Arch.)
Mr Varsity : Lalhmingsanga (Mizo)
1st Runner Up : John Vanlalfaka (Sociology)
2nd Runner Up : Ankush Rai (Arch.)
Mr Physique : Lalbiakenga (Economics)
Mr Personality : Lalremruata Sailo (English)