BTS' 'Dynamite'-in record a siam

BTS hla hit tak mai 'Dynamite' chuan record thar a siam leh ta tlat mai. Billboard Digital Song Sales chart-ah No.1 dinhmuna ding tam ber record an siam a, kar 18 lai he dinhmunah hian an ding a ni.

Khawchhak lam super-star hian nikum September 5 khan 'Dynamite' hi an tlangzarh a, a hit zia leh record hrang hrang a siam tam zia chu sawi nawn a ngai tawh lo. MCR Data aṭanga a lan dan chuan he hla hi tlangzarh a nih aṭanga April 10 thleng kha sum chawia download maktaduai 1.5 lai an awm tawh.

BTS hian Luis Fonsi & Daddy Yankee feat. Justin Bieber 'Despacito' record kha Inrinni liam ta khan an rawn khum chiah a, Despacito hi kar 17 Digital Song Sales chart-ah hian topper a lo ni tawh a ni.