Ariana Grande khumtu Taylor Swift

Rin lawk ang ngeiin Taylor Swift music video thar 'Me' chu a hit a, YouTube-a viewer neih tam lamah Ariana Grande a khum.

American singer Taylor Swift hian kar kalta Zirtawpni khan a music video thar hi a tichhuak a, darkar 24 chhungin viewer maktaduai 65.2 zet a nei. Hei hian Ariana Grande record lo siam tawh maktaduai 55 chu a khum a, hmeichhe artist zinga darkar 24 chhunga viewer ngah ber dinhmun a luah ta a ni.

Ariana Grande hian 'Thank U, Next' hmangin record hi a lo siam tawh a, thla tam pawh a liam hmain Swift hian a rawn thaichhe ve leh ta a ni. Hetih lai hian K-pop group BTS te chu record nei ṭha ber an ni a, an music video 'Boy With Luv' chu darkar 24 chhungin mi maktaduai 74 zetin an en a ni.

Taylor Swift hian YouTube-ah subscriber mak­taduai 33 chuang zet a nei a, milar zinga subscriber ngah ber pawl a ni.