Zaninah Vanapa Hall-ah 'Norah'

Mipui nghahhlelh em em mai, Mizo film chhuak thar 'Norah' chu zanin hian Vanapa Hall-ah chhuah a ni dawn ta. Show hi dar 7:00-ah ṭan a ni dawn a, ticket hi Rs. 100 leh Rs. 200 man a ni ang.

A hun a thleng ta

Leitlang Pictures kutchhuak 'Norah' film hi April 26 khan Lunglei-ah release a ni a, mipuiin an hlut hle. Aizawl mipuiin nghakhlel taka an lo thir chu zanin hian a hun a her chhuak dawn ta a, Vanapa Hall-ah ngei mai show a ni dawn.

Zanina show neih turah hian a chang­tute an inlan dawn a, entute tan vanneihna a thuah hnih dawn hle. TV-a an hmel kan hmuh ṭhin te kha a takin an inlan dawn a, hmaih phal chi a ni lo.

Ticket hi hmun hrang hrangah zawrh chhuah a ni a, a hmunah lei tur a awm dawn bawk.

Ticket zawrhna te :

- Thangruma Stationary, Dawrpui

- RTS Fotoflash, Khatla

- Madeleine Store, Zarkawt

- Tintin Enterprise, Treasury

- CK Hyunadai, Bawngkawn

- MS Cosmetic, Mission Veng

- Grace Pharmacy, Khatla

He drama/romantic comedy film-ah hian Mizo film star hriat hlawh tak takte an inlan a, Papuia Pachuau aṭanga Awmpui Thinchhia thlengin an kim biai a ni. Show hi May 1 aṭang­in Aizawl khawpui chhung leh Mizoram hmun hrang hrangah kalpui a ni dawn a, mimal leh pawl anga sum tuakna ṭha tak a ni.

Norah film hian ngaihhlut a hlawhin, hmuh­nawm leh en manhla tak a ni. Entute min tinui hawk hawk thei tur leh lungchhe taka min awm tir thei tur a inpawlh mawi hle a ni.