MSP director-in National Leadership Award dawng

Mizoram School of Pho­tography director, Malsawmtluanga chuan National Leadership Award a dawng a, April 28 khan hlan a ni. Entre­preneurship lama mi hlawh­tlingte chawi­mawina hun hi Novotel, Kolkata-ah neih niin, state hrang hrang aṭangin mi eng emaw zatin award hi an dawng a ni.

National Leadership Award hi India rama state hrang hrang aṭang­in Entrepreneurship lama tiṭhate hnenah hlan ṭhin a ni a, Mizoram School of Photography dintu Malsawmtluanga pawh hian a dawng a ni. Mal­sawmtluanga hian kum 2013 khan National Aca­demy of Photography aṭangin Professional Course in Photography leh Videography & Film Editing chu Kolkata Film & Television Institute aṭangin a zo a, tunah hian Persona International Pho­tographer-ah life mem­ber niin, Mizo Photographers' Society president a lo nih tawh bakah - Photography Club of Mizoram dintu a ni bawk.

Mizoram School of Photography hi kum 2017 khan a din a, he hmun a-ṭang hian mi eng emaw zatin an lo zir chhuak tawh a ni.