Man Of The World India finale-ah Jonathan leh Eddie inlan dawn
Man of The World India 2019 finale chu May 1-8 chhung hian Hyderabad khawpuiah neih a ni dawn a, he hunah hian Mizoram aiawhin Jonathan Lalmuanpuia Thangeo leh Eddie Zaithanmawia-te an inlan dawn.
Mister India Mizoram 2019, Jonathan Lalmuanpuia Thangeo hi Mizoram ai awh tura tling sa tawh a ni a, Mister India Mizoram 1st runner up Eddie Zaithanmawia chu wildcard entry hmangin final-ah hian a inlan thei dawn bawk.
MOTWI Finale-ah hian India ram hrang hrang aṭangin finalist mi 30 an inlan dawn a, inbuatsaihna pawh ngawrh taka kalpui a ni. India represent theihna title pali a awm dawn a, sub-title panga - Best Traditional Costume, Mr Active, Mr Photogenic, Best Body leh Mr Talented a awm dawn bawk. Best Traditional Costume leh Mr Talented title latute hian top 12-ah direct entry an hmu nghal dawn a ni.
Amrutha Castle chu Hotel partner an ni dawn a, MOTWI contest neih chhungin finalist-te hi Amrutha Castle-ah hian an inkulh dawn a ni.
Man of The World India winner hian July thla-a neih tur Philippines-a Man of The World International finale-ah India ai a awh dawn a, hemi bakah hian modelling contract leh opportunity tam tak a kengtel dawn a ni.
Mister India Mizoram organising chuan Man Of The World India atana inbuatsaihna an neihna kawnga an partner leh sponsor tihsaktu zawng zawngte chungah lawmthu an sawi a, finalist-te duhsakna an hlan bawk.