Facebook fimkhur zual zel

Cambridge Analytica scandal-a an mualpho hnuah Facebook chuan security lamah hma an lak chhunzawm zel a, mimal data lakkhawm kawngah pawh khauh zawka kal an tum thu an puang.

Facebook hian user data an lakkhawm ṭhin ṭhenkhat chu an 'ban' dawn tih an sawi a, hei hi mimal himna tura an hmalakna a nih thu an tarlang. Company lam chuan user-te chu an in sign-in theihna tur tawkin ruahmanna siam sak an ni dawn a, mimal thil tak tak hriat theihna turte chu khap a nih tur thu an sawi.

Social media giant Facebook hian ni 90 chhung application hman a nih loh hnu pawha access theiha la awm ṭhin chu tihtawp a nih tur thu an tarlang bawk.

Heng khapnate hi Cambridge Analytica scandal avanga company hmalakna niin, security lamah an fimkhur leh zual a ni.