Model Tales Soares a thi

São Paulo Fashion Week-ah vanduaina a thleng a, Brazilian male model Tales Soares chu ramp a zawh laiin a tlu a, a thi zui. Tales Soares hi Inrinni khan show-ah hian a inlan a, a tluk hnu hian hospital panpui nghal ni mah se chhan hman a ni ta lo a ni.

Kum 26 mi Tales Soares chunga thil thleng hian fashion industry a deng­chhuak rang hle a, lainattu pawh a ngah hle a ni. Soares hian Ocksa kutchhuak a inbel a, a catwalk kir leh lam chu nikhaw hre loin a tlu zui ta a ni. A tluk hnu hian rang taka buaipui nghal a ni a, a nunna erawh an chhan hman ta lo a ni.

A buatsaih­tute chuan Tales Soares chunga vanduaina thleng chu pawi an tih thu leh a chhungte an tuarpui thu an sawi a, a thih chhan tak erawh an tarlang lo a ni.