Rebecca Fanai ‘Myanmar Lungphang Suh Aw’

Rebecca Fanai hla sak, Chhantea Ralte phuah 'Myanmar Lungphang Suh Aw' tih hla chu peihfel a ni tawh a, YouTube lamah thlira ngaihthlak theih turin dah chhuah a ni thuai dawn.

Rebecca-i hi USA-a cheng niin Adventist Healthcare Hospital, Maryland-a nurse hna thawka awm mek a ni a, Myanmar tan theihtawp chhuahin mimal leh pawl ang pawhin a lo au chhuak tawh ṭhin a ni.

Chhantea hian 'Myanmar Lungphang Suh Aw' hi kumin February thlaa a phuah kha niin, zalenna sual mek Myanmar mipuite zam loa bei zel tur leh kut insuiha hnehna an chan hma zawng lungrual taka bei zel tura fuihna hla' a ni.

He music video hi zaithiam lar Bethsy Lalrinsangin YouTube channel-ah dah a ni dawn a, YouTube aṭanga he hlain a sum hmuh chhuah zawng zawngte chu Myanmar mipuite tan hlan vek a ni dawn a ni.