India Box Office-ah Ranveer leh Alia Bhatt channa Gully Boy a hit

Bollywood superstar Ran­veer Singh leh Alia Bhatt-te channa Gully Boy chuan India Box Office-ah a chetṭhat a chhunzawm zel a, vaibelchhe 100 chuang a lalut der tawh. He musical drama film hi February 14 khan release a ni a, a sum lakluh tawh zawng zawng chu vbch 200 zet a tling tawh a ni.

Hetih lai hian Vicky Kaushal channa Uri: The Surgical Strike pawh sum lakluh kawngah hian a cheṭha zui zel a, vbch 235.80 a laut tawh a ni.

Gully Boy chu...
Indian film director lar Zoya Akhtar-i kutchhuak Gully Boy tun hnia Bollywood film chhuak thar zingah chuan thawm nei lian ber a ni a, en pawh a hlawh hle.

India ram hmun hrang hrang­ah chhuah chhoh mek niin, a sum lakluh tawh chu vbch 140 a ni. Hei hi India bik chauh a ni a, khawvel hmun dang aṭanga a lak­luh te nen chuan vbch 200 a chuang tawh a ni. Ranveer Shing leh Alia Batt-te channa a nih miau avangin dahhniam theih a ni loa, heti zan sum a lalut pawh hi a mak lo.

Gully Boy hi - China, Hong Kong leh South Korea lamah te chhuah chhoh mek a nih avangin a sum lakluh hi a la pungchho zel dawn. He film hi India rapper Divine leh Naezy-te chanchin tarlanna niin, a changtu zingah hian Kalki Koechlin leh Vijay Raaz-te pawh an tel a ni.

Ngaihven hlawh ber erawh Ran­veer Shing leh Alia Batt-te an ni a, Ranveer hi Naezy lemah a chang a ni.

Uri: The Surgical Strike
Bollywood star Vicky Kaushal leh Mohit Raina-te channa Uri: The Surgical Strike hi February 11 khan tlangzarh a ni a, a hit rem rem hle. Thla khat pawh a liam hmain vbch 200 chuang a lalut a, kar liamta chhung pawh khan eng emaw zat a thawk chhuak leh bawk.

Kum 2016 September thla khan Pakistan firfiakte chuan Jammu and Kashmir-a Indian army headquarters an bei a, sipai 18 zet an kaphlum. He thil thleng bechhan hian he film hi siam a ni a, tun hnaiah Jammu and Kashmir-ah sipai eng emaw zat an thih leh avangin ngaihven pawh a hlawh thar leh a ni.

Uri hi Indian film director lar Aditya Dhar kutchhuak niin, Yami Gautam leh Kirti Kulhari-te pawh a changtu zingah an tel. Vicky Kaushal chu Major Vihaan Shergill lemah a chang thung a, a che vel a hmuhnawm hle a ni. Uri hian vbch Rs 235.80 zet a lalut tawh a, a sum thawhchhuha hi a la pun belh zel bawk a ni.