Lammuala chapchar ve hman lo tan FM Resort-ah intihhlimna

FM Resort Manage­ment chuan hunpui danga an lo tih ṭhin ang bawkin, kumin Chapchar Kut-ah pawh chhun lama Lammuala kutpui hmang ve hman lo te tan zanin hian intihhlimna hun, FM Resort (World Bank road, Chite Bridge chhak, petrol pump bul) ah an buatsaih dawn.

Valentines Day pual khan zan lamah, FM Re­sort, World Bank Road-ah Mizo zaithiam, Live Band leh DJ ṭha tak takte nen hun hlimawm leh hlawhtling tak, khamawm loh tak si an lo hmang tawh a - mipui kal pawh an ṭhahnem hle.

Tun ṭumah pawh Chapchar Kut pualin hun hlimawm tak an buatsaih leh dawn a - Rachel, Rosy K.Remsangpuii, G’Nie, Zirtluangpuii, Henry Thanzauva leh Hming­sanga (Youth Icon) te an zai dawn a ni. Anni bakah hian hranghlui zaithiam Opa (Tribal Power) leh Mpa (Dream Hunter) te an perform dawn bawk.

Rock music ngaina tan Casey’s Secrets leh Mood Swingers leh band dang ṭha tak tak te pawh an la awm cheu bawk. Tunlai ṭhangtharte’n an hmelhriat a, an lawm chhoh tak em em - DJ te pawh ṭha tak tak inlar tur an awm nual a ni.

Kartawp a ni a, Mizoin Kut kan neih zinga kan hlut ber Chapchar Kut a lo ni leh zel bawk nen, kar­tluana hnathawkte tan intihthawvenna leh, hmun thengthaw tak maia mahni music duhzawng ngaihthlakna hun ṭha tak a nih ngei a rinawm. Ticket pawh Rs. 200 chauh a ni e.