Ambani chhungkuain Maroon 5 chahchhuak dawn?

Indian business magnate Mu­kesh Ambani hian nikum khan a fanu, Isha Ambani pasal neih ṭumin American singer Beyoncé chu a lo chahchhuak tawh a, a fapa Akash Ambani nupui neih turah pawh Maroon 5-te an perform dawn niin sawi a awm leh tawh!

Akash Ambani hian March 9 hian Shloka Mehta chu 'tiam tlat e' a tihpui dawn a, a lawmna lamah Maroon 5-te hi an perform dawn niin an sawi. Hei hi a takin a thleng a nih chuan - Adam Levine, Jesse Carmichael, PJ Morton, Mickey Madden leh James Valentine-te ho chuan India leilung an rap dawn tihna a ni.

Ambani chhungkua hian nikum khan sum tam tak sengin 'Single Ladies' singer Beyoncé Knowles chu an lo chahlut tawh a, an sum sen zat chiah hi tarlan ni lo mah se - Beyoncé-i'n ṭum khata a sum lakluh hnem ber pawl a tling hial niin an sawi. Hemi a nih avang hian Maroon 5-te pawh hi sum tam tham tak hlawh turin an ko kal leh thei maiin a rinawm hle a ni.

Akash Ambani leh Shloka Mehta-te hian inneih urlawkin Switzerland lamah hun an hmang mek a, ni thum chhung an cham dawn. He hunah hian an ṭhian hnai leh Bollywood star-te pawh an tel a, chung zingah chuan - Ranbir Kapoor, Alia Bhatt, Karan Johar, Arjun Kapoor leh Shahrukh Khan-te pawh an tel a ni.

Akash Ambani leh Shloka Mehta-te inneih hian March 11 thleng a awh dawn a ni.