Chapchar Kut a Ṭiak ta

Mizoten kut kan neih zinga ropui ber 'Chapchar Kut' chu ni hnih chhung uar taka hman a nih hnuah nimin khan a ṭiak ta. Chapchar Kut-ah hian hmun hrang hrang aṭangin Zo hnahthlak an fuankhawm a, kut chhimtu hnamdang pawh eng emaw zat an awm a ni. Kut hi a ni khat ni aṭangin mipuiin an hlut nghal a, a tawpni phei hi chuan mipui kal an ṭhahnem hle a ni. Exibition hrang hrang buatsaih niin, hengah te hian Mizo ziarang pholang thei a tam thei ang ber tarlang a ni. A lawmna pui ber Lammual-ah chuan zaithiam tak tak ten zaiin mipui an awi a, Footballer hlawhtling Jeje Lalpekhlua bakah - Everester David Zohmangaiha leh Lalrintluangi te chu chawimawina thilpek hlan an ni.