Mrs.World Caroline Jurie an man

Mrs. Sri Lanka 2019 Winner leh Mrs World ni bawk Caroline Jurie Puts chuan Mrs. Sri Lanka 2021, Pushpika De Silva chu crown a khumtir zet hnuah pasal ṭhen tawh a ni tih sawiin tihluihnain a lakthlak sak leh a, first runner-up a khumtir zui a ni.

Pushpika De Silva chuan hemi hnu hian a luruhah na a nei tih Facebook-ah sawiin, a pasal nen an inṭhen lo tih leh an awm hrang mai chauh tih a sawi a, show buatsaihtute pawhin a hnuah De Silva chu a pasal nen an inṭhen lo tih an tichiang zui ve leh bawk.

Mrs. Sri Lanka World director Chandimal Jayasinghe chuan Caro-line Jurie khawsak dan chu a zahawm lo hle tih sawiin Mrs World organization pawhin an enfiah leh mek tih a sawi.

He thil thleng avang hian Caroline Jurie chu man nghal a ni a, mahse a hnuah bail-a chhuah lehnghal niin April 19-ah court-a inlan turin an hriattir a ni.

Mrs. Sri Lanka 2021 thlanna hi Pathianni khan neih a ni a, thil thlen dan video hi social media lamah pawh hmuh tur awmin a darh nasa hle bawk.