Smriti Mandhana-in IG tualzawlah Follower mtd 4 a vaw chhuak!

India women cricket team opener Smriti Mandhana chu Instagram lamah mi maktaduai 4 tehmeuhin an follow tawh! Cricketer hmeichhe zinga follower ngah ber niin hetiang record nei thei awmchhun hi a ni bawk.

Thawhlehni zanah khan hemi chungchang hi Smriti Mandhana chuan a Instagram-ah a tarlang a ni. "He mellung pawimawh tak hi kum riat kal taa T20-a ka inlan hmasak ber niah chiah ka thleng a ni," tiin Insta lamah a sawi.

Smriti hi hi India cricket team tan a che ṭha hle a, kum 17 mi lek a nih lai aṭangin India tan a khel ṭan tawh a, ODI run 2000 siam rang ber dawttu niin Shikhar Dhawan dawt chiahah a awm a ni.

Hmanni lawkah pawh khan South Africa leh India team-in three-match series an neihnaah Smriti hian world record thar a siam a, ODI cricket-a a zawna vawi 10 50-plus score siam thei hmasa ber a ni.