Jonas Brothers music video-ah Priyanka & Sophie Turner

American pop rock band Jonas Brothers chuan tun hnai khan comeback video an tichhuak a, Priyanka Chopra leh Sophie Turner te pawh an lang.

Jonas Brothers music video hi 'Sucker' tih a ni a, February 28 khan tihchhuah a ni. Video-ah hian an band member kawppui te ṭheuh an lang a, hei hian ngaihven a hlawh phah hle a ni. Nick Jonas-a nupui Priyanka Chopra leh Joe Jonas-a kawppui Sophie Turner bakah hian Kevin Jonas-a nupui Danielle Jonas pawh a lang cheu bawk.

India chhulchhuak Priyanka leh GOT star Sophie Turner te hi an che vel a hmuh­nawm a, mipui pawh a hip hle a ni. Danielle pawh a duai lo hle a, an music video tihmuhnawm zualtu zingah an tel a ni.

Jonas Brothers te hian hun eng emaw chen rimawi huanga an thawhho tawh loh hnuah hla thar an rawn tichhuak a, fans lam pawh an phur hle tih a lang. An music video thar 'Sucker' hi YouTube-ah mi maktaduai 33 chuang zetin an view leh der tawh a ni.