Deepika-i'n Swachh Bharat ngaipawimawh

Indian actress lar Deepika Padukone chuan faina kawnga sorkar laipui hmalakna 'Swachh Bharat' chu a ngaihpawimawh thu a sawi chhuak.

Deepika hian hemi chungchang hi tun hnai khan interview-ah a sawi chhuak a, hmalakna tura ruahmanna hrang hrang a neih ve ṭhin thu pawh a sawi a ni. Deepika Padukone chuan, "Politics hi ka ngaihven lutuk lo a, hriat pawh ka nei tlem hle. Amaherawh chu sorkar laipuiin ram mipuite hmasawnna tura scheme hrang hrang a duan te hi ka lo chik ve ṭhin a, Swachh Bharat pawh hi ṭha ka ti hle a ni. Theih nise chuan minister hial nih pawh ka hreh lo," tiin , fiamthu ti takin deuhin faina kawnga hmalak chu a thlawp thu a sawi chhuak.

'Padmaavat' star Deepika hi Meghna Gulzar film siam 'Chhapaak' ah a chang dawn a, Bollywood lamah a hmel hmuh tur a awm thuai dawn a ni. He film-ah hian Vikrant Massey pawh a chang dawn a, a chhuah hun tur tak erawh tarlan a la ni lo.