Cardi B leh Bruno Mars hla thar a hit

Cardi B leh Bruno Mars te hian nikum khan 'Finesse' an lo tichhuak dun tawh a, an hlawhtlinpui hle a nih kha. American singer inkawp fuh tak te hi kuminah pawh thawkdun lehin hla thar 'Please Me' an tichhuak a, a hit nghal hle.

Kar kalta Zirtawpni khan 'Please Me' official music video hi tichhuah a ni a, viewer maktaduai 25 chuang zet an awm leh der tawh. Cardi B leh Bruno Mars te hi tun lai zaithiam zingah chuan thawm nei lian ber te zinga mi an ni a, an hla thar pawh hian ngaihven a hlawh hle a ni.

American rapper Cardi B hian hla thar an tihchhuah tur chunghang hi social media lamah a lo tarlang tawh a, rei pawh rial loin an tichhuak zui ta a ni. American singer Bruno Mars leh Cardi B te hian nikum khan 24K Magic Tour an lo nei dun tawh bawk a ni.