LPS Comedian search 2021 Lalruatdika pakhatna a ni

Mizorama fiamthu intihsiakna show hlun ber Comedian Search ṭum 13-na, "SR Tochhawng Traders LPS Comedian search 2021" chu Zirtawpni liam ta, April 9 zanah khan a hmawr bawk a ni a, Lalruatdika, Sialsuk khua chu pakhatna a ni.

SR Tochhawng Traders LPS Comedian search 2021 final-ah hian Top 5-te chuan intihsiakna an nei a, an fiamthu thawh pawh a ngaihnawm hlawmin a hmun leh TV lama thlirtute pawhin an hlimpui hle.

Kumin Comedian Search hi TV lama thlir hman lote pawhin YouTube kaltlangin an thlir nasa a, Zoram mipuite pawhin kan hlut hle tih a hriat. An intihsiakna hrang hrang hi FTH Official YouTube channel-ah en theihin a awm reng a ni.

Comedian search 2021-ah hian pahnihna chu J.Vanlalhriatpuia, Ramthar Veng a ni a, Lalramlawma, Republic Veng chu pathumna a ni bawk.

Tun ṭum LPS Comedian Search hi SR Tochhawng Traders-te'n sponsor-in co-sponsor chu YK Solar an ni. Anni bakah hian sponsor-tu dang eng emaw zat an awm bawk. Kumina Comedian Search buatsaihah hian contestant 52 an awm a, batch thum zelah ṭhenhrangin intihsiakna an hmachhawn ṭhin

a ni.