Rapper DMX a thi

American rapper lar Earl Simmons, DMX (Dark Man X) tia hriat lar chu Zirtawpni liam ta khan kum 50 mi niin a thi.

DMX hi April 2 khan heart attack a neih vangin New York-a White Plains damdawi-in panpui a ni a, a tukah a attorney chuan life support hmanga enkawl a nih thu puangin Zirtawpniah khan a thi ta a ni.

Kum 1998 khan DMX hian a album hmasa ber 'It's Dark and Hell Is Hot' chu a tlangzarh a, a hlawhtlinpui nghal hle a, kar khat chhung lekin copy 2,51,000 a hralh hman a, Billboard 200 chart-ah pawh No.1 a ni nghal hial a ni. He album hi RIAA chuan 4x Multi-Platinum-ah kum 2000 khan a puang hial.

Studio album pariat lai a tlangzarh hman a, kum 2015-a a tlangzarh 'Redemption of the Beast' kha a album tlangzarh hnuhnun ber a ni. Film eng emaw zatah inlan bawkin TV show lamah pawh a inlan nual bawk.