Luke Perry Stroke vangin mual a liam ta

American actor Luke Perry chu stroke a vei tih hriat chhuah a nih aṭanga kar khat pawh a liam hmain a natna tur lovin mual a liam ta.

'Beverly Hills, 90210' star Luke Perry hi Thawhṭanni zan khan California-ah a thi a, kum 52 mi a ni.

A thih thu hian film khawvela dengchhuak hneh hle a, lainattu pawh a ngah hle. Luke Perry hi kar kalta Nilaini khan American drama serial 'Riverdale' an chan laiin a taksa lamah harsatna a tawk a, shooting an neih laiin Los Angeles Hospital-ah hruai a ni. Stroke a nei tih hriat chhuah a ni a, California-a Saint Joseph Medical Center-ah enkawl zui niin, a tuar chhuak zo ta lo a ni.

Luke Perry hian film a lo chang nual tawh a, chung zingah chuan Beverly Hills, 90210 leh Riverdale-te chu a lar zual niin, The Fifth Element-ah pawh a lo chang tawh bawk.

Luke Perry hi kum 1993 khan Rachel Sharp nen an innei a, fa pahnih an nei. Mahse 2003 khan an inṭhen a, Wendy Madison Bauer nen an inzui leh a ni. A thih lai hian a nupui fanau te hi a kiangah an awm a, an zingah hian a nupui hlui Minnie Sharp pawh a tel a ni.