Arunima Sinha film-ah Alia Bhatt

Bollywood superstar Alia Bhatt chu ke bul ni chhunga khawvel tlangsang ber Mount Everest lawnchhuak thei Arunima Sinha lemah a chang dawn niin media-te chuan an tarlang.

'Padma Shri' pawh lo dawng tawh Arunima Sinha hi a biopic film siam a ni dawn a, hetah hian Alia Bhatt hi a chang dawn a ni. Sinha hi a ke vei lam a bul a, heti chung hian hmeichhe zinga Mount Everest lawnchhuak thei hmasa ber a ni.

Kum 30 mi Sinha hi national level volleyball player niin, kum 2011 khan rel tlan lai aṭangin misual ten an paih thla a, a ke tan a ngaih phah a ni. Heti chung hian beidawng duh lovin khawvela tlangsang ber chu kum 2013 khan a lawnchhuak a ni.

A chanchin ngaih­nawm tak tarlanna film siam tur hian ngaihven a hlawh a, Alia Bhatt a chan dawn bawk avangin beisei a sang hle a ni. Tihchhuah hun tur erawh tarlan a la ni lo.