CMA Music Festival-ah Luke Bryan & Carrie Underwood

Country Music Association (CMA) chuan June thla khian music festival ropui tak an buatsaih leh dawn a, he hunah hian country singer ṭha ber ber an perform dawn. CMA chuan he festival-ah hian Luke Bryan leh Carrie Underwood-te an perform dawn tih an puang a, country music lama tui mite tan chuan a nghahhlehawm tawh khawp ang le.

Luke Bryan leh Carrie Underwood-te hi Country Music Award-ah pawh an lo perform tawh a, music festival-ah pawh hian stage luah lum tur zinga hming langsar an ni. CMA Music Festival-ah country superstar-te an katnuk dawn a, chung zingah chuan - Luke Bryan, Florida Georgia Line, Tim McGraw, Keith Urban leh Miranda Lambert-te pawh an tel a ni.

Anni bakah hian Kelsea Ballerini, Dierks Bentley, Brothers Osborne, Kane Brown, Luke Combs, Dan + Shay, Little Big Town, Maren Morris, Old Dominion, Pistol Annies, Rascal Flatts leh Thomas Rhett-te chu an perform dawn bawk.

He Music Festival hi Nissan Sta­dium, Nashville-ah neih a ni dawn a, ni 4 chhung a awh ang. June 6 aṭangin ṭan a ni ang a, June 9-ah a ṭiak dawn a ni.