International Photo Festival-ah Mizoram thlalak pholang

Asia khawmualpuia photo festival lian ber Kolkata International Photo Festival chu Feb­ruary 28 khan ṭan a ni a, vawiin thleng a awh ang. He festi­val-ah hian Mi­zoram hmel­hmang lanna thlalak pa­hnih chu 'Signature Photo' atan hman niin, mipuiin an hlut hle.

International Pho­to Festival-ah hian 'Signature Photo' atan Shillong photographer Shymala Datta kutchhuak chu thlan niin, a thlalak te hi Mizorama a lak te an ni. A title chu 'North-East Vignettes' tih a ni a, Lianchhiari lunglen tlanga Mizo thuam inbela hmeichhe pakhat dinglai pawh a chuang vang a ni.

Kolkata International Photo Festival hi Indian Council for Cultural Relations-ah neih niin, ram 30 aṭangin pho­tographer ṭha ber ber an fuankhawm a - an kutchhuak mawi tak tak hmuh tur a awm a ni.