Palm Sunday engtin nge an hman?
Coronavirus vangin khawvel puma biak-in tam ber khar a ni tawh a, Kristian-te hunpui ber zinga mi, Tumkau Ni hi kumdang ang chuan a hman theih dawn lo tih a chiang.
Mizoramah ngei pawh zing kara kawngzawh thawm hriat tur a awm dawn lo a, Pathian ropuina faka auchhuahna hun erawh veng ṭhenkhatah chuan local task force-te hmalaknain information mike hmang ṭangkaiin au chhuahpui tho a ni dawn.
Canada-a Valley Catholic church Father Grag Schlarb leh an kohhran member ṭhenkhat chuan holy water la khawmin an kohhran member-te chu an tumkau ṭheuh malsawm turin an sawm a, Facebook Live video kaltlanga Pathian thuchah tih chhuah an tum bawk.
Hetiang chiah hian tunlai thiamna hmang ṭangkaia online streaming kaltlanga Pathian thuchah tih chhuah tum kohhran khawvel hmun hrang hrangah an tam hle. US kohhran eng emaw zatah internet hman ṭangkai tum an awm.
India ramah pawh Kolkata-ah chuan kohhran lian pahnih chuan a vawi khatna atan online-in inkhawm buatsaih an tum. Roman Catholic-te tan Archbishop House aṭangin 'live streaming'-in inkhawm an buatsaih dawn a, Church of North India (CNI) hnuaia kohhran hrang hrang tan Bishop House aṭangin an buatsaih dawn thung a ni.