Dua Lipa-in Future Nostalgia hmangin Spotify record pathum a 'break'

Zirtawpni hmasa zawka lungchhe tak chunga a album tlangzarhtu, Dua Lipa hian ni khat chhunga khawvel puma British hmeichhe artist zai khawvel, US leh UK-a stream nasat ber record a siam.

'Future Nostalgia' hi  Warner Records kaltlangin a tlangzarh a, a tlangzarh hma hian a hlate hi a leak nghe nghe a, hemi vang hian April 3-a tlangzarh tura ruahmanna a siam vek tawh chu March 27 khan a tlangzarh ta zawka ngaitu pawh an tam hle.

A album thara a hlate hi pop leh disco lam hawi a ni a, rilru insual nasa tak chunga khawvel pum lockdown a nih laia a tlangzarh tak thu sawi mah se a tifuh viau dawn niin a lang a, spotify-ah phei chuan stream a hlawh hle tih a lang chiang tawh a, chart hrang hrangah a che ṭha chho hle bawk.

Rimawi khawvela boruak nei lian ber a ni mek a, Covid-19 leng mek karah entertainment media-te pawhin 'Future Nostalgia' leh a kaihhnawih hi an ziak nasa hle a ni.