P!nk-te nufain Covid-19 an kai An dam leh tawh
'Give Me A Reason' singer P!nk chuan Zirtawpni khan a fapa nen coronavirus an kai thu sawiin, an dam leh tawh tih a sawi bawk.
Kum 40 mi lai ni ve tawh, P!nk chuan a fapa kum thum mi Jameson nen chuan kar hnih liam taah khan Covid-19 hri kaite awm danin an awm tih sawiin, test an neih hnuah an positive tih hmuh chhuah a nih thu a sawi.
"Ka chhungte chu inah an tawm sa tawh a, kei ni pawh doctor-te thurawn la chungin kar hnih chhung khan inah kan tawm ve a ni," tia sawiin tunah chuan kan kai tawh lo tih finfiah a ni leh tawh, a ti.
Sorkar sawisel chhunzawm nghal bawkin, "He natna hi a serious hle a ni. Mipuite chuan engtin nge nghawng a neih tih an hriatfiah a ngai. A thlawna test-na hawn a ngai a, kan fate, kan chhungkua, kan ṭhiante leh kan community kan humhim a ngai a ni," tiin a sawi bawk.
Chhawmdawlna a pe dawn tih a sawi
P!nk- chuan Temple University Hospital Emergency Fund, Philadelphia hnenah chhawmdawlna $500,000 a pe dawn tih sawiin hei hi helai hmuna kum 18 lai a nu Judy Moore lo thawh tawhna zahna lantirna atana pe tur a nih thu a sawi. City of Los Angeles Mayor’s Emergency COVID-19 Crisis Fund-ah $500,000 tho a chhung dawn tih a sawi bawk.