One in Christ Hla thar nen an inlar leh dawn ta

One in Christ te chuan Chapchar Kut-a an per­form hnua lawka hla thar min hlui leh nghal dawn a, kumina an music video hmasa ber tur ni bawk 'Hmangaihna Ropui' chu an peihfel ta rup mai.

'Hmangaihna Ropui' music video hi an YouTube channel-ah upload a ni dawn a, official audio pawh ngaihthlak tur a awm thuai dawn a ni.

One in Christ hla thar hi an member leh khaipa ni bawk Alvin Lalruatfela lehlin niin, belhchian a dawl hle a ni. Music track mawi tak mai siam saktu hi Andrew Vanchhawng a ni a, recording hi Studio A-16 a ni thung. Video hi tun hnaia hming rawn chher chho mek Raymond (Believing.Is.Seeing.Pro­jek) kutchhuak a ni bawk.

Ṭhazual Award pawh lo dawng tawh One in Christ hian music video eng emaw zat an lo siam tawh a, music video album pawh an lo sual chhuak tawh bawk. An hla leh music video ten belhchian a dawl a, mipui pawhin an ngaihlu thei hle a ni.

One in Christ hian term tharah member an insik­sawi a, hemi hnua an music video hmasa ber a ni a, a hlutdan a dang hle a ni.