DJ Khaled album thar a hnai

American record producer DJ Khaled chuan hun rei tak ata a lo buaipui tawh 'Father of Asahd' album chu release mai theih turin a peihfel ta a, May thla hi chuan hmuh tur a awm tawh dawn.

Hemi chungchang hi tun hnaiah khan social media lamah tarlangin, May thlaah release a nih tur thu a sawi a, a ni tur tak erawh a la tarlang lo. 'Father of Asahd' hi a studio album 11-na tur a ni tawh dawn a, ngahhlehawm tawh tak a ni.

A hming tak Khaled Moha­med Khaled chuan a album thar tur chungchang hi sawiin, Ka album ṭha ber tur a ni hial mai thei," a ti.

Khaled hian tunlai rapper lar ber ber - Cardi B, Meek Mill, Post Malone, Travis Scott, Bryston Tiller, J Balvin leh 2 Chainz te a thawhpui avangin a album thar hian ngaihven a hlawh zual hle a ni.