Jaui 'Di ruk' kha i lo hre ve tawh em?

'I Hlutna' hitmaker Jaui chuan nizanah khan hla thar 'Di Ruk' a tichhuak a, ngaihthlak a manhla lehpek hle.

Jaui hla thar hi Manuni phuah a ni a, a dang chu a hla dangah pawh a thawhpui ṭhin Hope Music kut chhuak bawk ni lehin, Mapuia, Sailo Flowers and Balloons Installation chu music video-a Art Director atan a hmang thung.

Ṭhenkhat chuan nizan lamah kan ngaithla tawhin a rinawm a, he hla phuahtu Manuni hla hi Zoramchanni leh Hmingtea bakah zaithiam dang dangin an lo sa tawh ṭhin a, tuna Jaui'n a sak hi Jaui sak tur renga a phuah a ni bawk a, Zaui pawhin a sa mawi hle.

Jaui chuan,"He hla hi nikum Covid-19 vanga lockdown lai vela min pek kha a ni. A ṭhiannuin a ruka star a nei a, chumi behchhana a phuah chu a ni a, hla a phuah hian a satu tur hi a rilruah an awm nghal tlangpui a, ka sak tura a phuahte pawh a tih theih ang. He hla hi ka sak tura min pek a ni a, 'i fans te tan ka hlan e', a ti nih chu," tiin Jaui'n a hla thar chungchang hi Vanglaini a hrilh.

Jaui 'Di ruk' hi i lo la ngaithla fuh lo a nih chuan a YouTube channel lamah a hmeh chhuah theih reng tawh e.