Megadeth-in album thar an peihfel ṭep

Thrash Metal legend Megadeth bassist David Ellefson chuan an album thar tur an peihfel ṭep tawh tih sawiin, a hmawr bawkna an nei mek tawh tih a sawi.

Rock Music Star-in an kawmnaah hemi chungchang hi sawiin,"Kar hmasa pawh khan studio ka tlawh a, Nashville-ah kalin thil ho te te belh turin, a hmawr bawk turin stuido ka tlawh a ni. A nihna takah chuan a hmawr bawkna kan nei mek tawh a, Covid hian min tikhawmuang zawk a ni," a ti.

Megadeth hian album 15 lai an tlangzarh tawh a, kum 2016-a an tlangzarh Dystopia hnuah erawh kha chuan thawm an nei zui ta vak lo. An frontman Dave Mustaine chu kum 2019 khan a cancer tih hmuh chhuah a ni bawk nen, hun eng emaw chen chu album thar an tichhuak ta lo a, mahse Mustaine pawh dama puan a ni tawh a, tunah chuan an album 16-na tur The Sick, the Dying... and the Dead! chu an peihfel thei ṭep tawh a ni.