Billboard : The Hot 100 No.1 Silk Sonic 'Leave The Door Open' : Justin Bieber a la langsar zel

Billboard Hit 100 chart-ah Silk Sonic (Bruno Mars & Anderson .Paak) 'Leave The Door Open' chu pakhatnaah a rawn invawrh a, Album 200 chart-ah chuan Justin Bieber 'Justice' chu pakhatnaah rawn inhlangkai ve leh bawkin, Justin Bieber-a hla tho Peaches chu Billboard Global Exc. US chart-ah No.1 a ni bawk.

Hot 100 topper 'Leave The Door Open'
Thla khat vel liam taah khan Bruno Mars leh Anderson .Paak te chuan hla dangdai leh nalh tak mai 'Leave The Door Open' an tichhuak a, mawi titu an tam a, ngaihthlak pawh an hlawh viau. Mahse, Billboard Hot 100 chart topper an ni thei tlat lo! An tihchhuah aṭanga kar khatnaah palinaah an awm a, pahnihnate han awm zuk zuk ṭhin mah se pakhatnaah tak an inhlangkai hleithei lo.

Mahse tunah erawh pakhatnaah an rawn inhlangkai tawh a, chart-a a inlan aṭanga kar nganaah pakhatnaah a rawn inhlangkai ta a ni. 'Leave The Door Open' Bruno Mars leh Anderson .Paak.-te duo Silk Sonic album' An Evening with Silk Sonic'-a mi tur a ni a, he album hi engtikah nge an tlangzarh dawn tih erawh tarlan a la ni lo.

Billboard Hot 100-ah hian tunlai hla lar tak mai Lil Nas X hla 'Montero (Call Me By Your Name)' chu pahnihna a ni thung a, he hla hi Global 200 chart-ah No.1 a ni mek bawk.

Pathumna chu Justin Bieber Featuring Daniel Caesar & Giveon 'Peaches' kha niin Cardi B 'Up' kha palina a ni a, Olivia Rodrigo 'Drivers License' kha pangana a la ni pha bawk a ni.

Justin Bieber a la langsar zel
Justin Bieber album 'Justice' chu Billboard 200 chart-ah kar hmasa lamah pahnihnaah tla thla mah se tunah erawh pakhatnaah a rawn invawrh leh ta a, US mipui album ngaihthlak nasat ber a ni leh ta.

He album-a mi 'Peaches' chu Hot 100 chart-ah pathumna a nih mek bakah Billboard Global Exc. US chart-ah pakhatna a ni mek bawk a, Global 200 chart-ah pahnihna a ni bawk. Justin Bieber hi tunah hian Artist 100 chart-ah pakhatna a ni leh tawh bawk a, kar hmasa lamah khan pathumna ni mah se tunah chuan pakhatnaah a rawn inhlangkai leh ta a ni.

Billboard 200 chart
Justin Bieber album 'Justice' hnuaiah chiah hian Demi Lovato album thar 'Dancing With The Devil...The Art Of Starting Over' chu awmin pahnihna a ni a, kar hmasa lama pakhatna Rod Wave 'SoulFly' chu pathumna a ni thung.

Kar tam tak chhung album chart thunutu Morgan Wallen album 'Dangerous: The Double Album' chu palina niin Lil Tjay chuan 'Destined 2 Win' hmangin Top 5 a khar a ni.