Zofa Lelte Result puang

Zoram Thar Zofate Lairelna buatsaih online hmanga zaia intihsiakna 'Zofa Lelte 2021' result chu Thawhṭanni zanah khan LPS STUDIO-ah live a puan niin Vanpangpari, Vanchengpui chu pakhatna a ni.

Zofa Lelte 2021 thupui chu 'Inpumkhatna' tih a ni a, HK Hlimpawlthanga hla phuah 'Unau Inngeih' tih hla hmangin Zo hnahthlak ṭawng chi hrang hrang pakuain online kaltlangin intihsiakna hi neih a ni a, Vanpangpari, Van-chengpui chu pakhatna niin C. Nempuii, North Khawlek chu pahnihna a ni a, Esly Ramdinmawii, Dima Hasao, Haflong chu pathumna a ni thung.

Lawmman pakhatna hian Rs 10000, memento leh Zoram Thar T-shirt a dawn bakah a thlawnin music video siam sak a ni dawn. Pahnihna chuan Rs 7000, memento leh Zoram Thar T-shirt a dawng a, pathumna chuan Rs, 5000, memento leh Zoram Thar T-shirt a dawng bawk.