Olivia Rodrigo album hmasa ber tur SOUR

'Drivers License' hitmaker Olivia Rodrigo chuan May 21 hian a album hmasa ber 'Sour' a tlangzarh dawn.

High School Musical: The Musical: The Series star Olivia Rodrigo chuan Thawhlehni khan social media kaltlangin May 21-ah a album thar hi a tlangzarh dawn tih a puang a, album art pawh a tilang nghal a ni.

'Sour' album-ah hian hla 11 a awm dawn a, chung zingah chuan a single hmasa ber leh rimawi khawvelin a hriat tak takna hla ni bawk 'Drivers License' pawh kha a tel a, a single pahnihna 'Deja Vu' pawh kha a tel bawk. Kum 18 chauh la ni mah se rimawi khawvelin Olivia hi a ngaihven a, a hla tihchhuah tawh pahnihte hi Billboard Hot 100 chart-ah top 10-ah a inhlankaipui nghal ve ve a, 'Drivers License' hit zia phei chu kan hriat ṭheuh kha.

Rodrigo hi nikum khan Interscope Records leh Geffen Records-te'n inremna ziahpuiin kumin kumtirah khan a debut single 'Drivers License' a tichhuak a, kar loah he hla hian record tam tak a break nghal a, kar tam tak chhung Billboard Hot 100 chart-ah topper a ni bawk.

'Drivers License' hi Recording Industry Association of America (RIAA) chuan double platinum a ni tawh tih an puang tawh nghe nghe a, he hla hi tunah hian holiday-song ni loa ni khata Spotify-a hla stream tam ber record siamtu a ni.

A album thar tur hi a hit hle ang tih a rinawm sa a, 'Drivers License' leh 'Deja Vu' ngaina tan chuan nghahhlelhawm tawh tak tur a ni a, thla khat vel erawh nghah a la ngai dawn thung a ni.