Enrique Iglesias ‘Bailando’ : YouTube-ah mi tld 3-in an thlir tawh

Enrique Iglesias music video 'Bailando' chuan YouTube-ah thlirtu tluklehdingawn thum chuang a nei tawh.

December Bueno leh Gente De Zona-te a thawhpuina 'Bailando' hi kum 2014-a a tihchhuah kha niin YouTube-in an tarlan dan chuan he music video hi Enrique hla zinga hetiang record siam thei hmasa ber a nih thu leh hetiang zat thlirtu nei thei music video 20 pawh la awm lo zingah a tel ve thei ta a ni.

'Bailando' hi tlangzarh a nih lai vel khan a lar rem rem hle a, kum 2016-ah phei kha chuan Billboard Hot Latin Songs chart-a No.1 ni rei thei ber record siamin kar 41 chhung chart topper a ni hial.

King of Latin Pop tia an sawi ṭhin Enrique Iglesias hi kum 45 lai ni ve tawhin, Anna Kournikova nen fa pathum an nei tawh a ni. 'Hero' hitmaker hian studio album 10 a tlangzarh tawh a, kum 2014 khan a album hnuhnung ber tlangzarhin chumi hnuah chuan album dang a la tichhuak leh lo.