Glee star Michele-i'n khiang a awi ta

American musical-comedy serial lar tak 'Glee' aṭanga khaw­velin a hmelhriat Lea Michele chuan kum hnih lai a lo zui tawh, Zandy Reich chu 'tiam tlat e' a tihpui ta.

American actress Lea Michele leh Zandy Reich-te hi Inrinni khan Northern Cali­fornia-ah an inkutsuih a, an chhungkhatte bakah an ṭhian ten an ṭawiawm ṭha hle a ni. He hunah hian Glee star pawh hmuh tur eng emaw zat an awm.

Kum 32 mi Michele leh Reich-te hi kum hnih kalta aṭang khan an inzui ṭan a, nikum nipui lai khan an inhual a ni. An inhual aṭanga kum khat dawn a vei hnuah an innei thei ta a, lawm­puitu pawh an ngah hle. Glee star - Darren Criss leh Becca Tobin-te bakah, Scream Queens actress Emma Roberts-te chuan Lea Michele hi ṭawiawmin, lawm­puina leh duhsakna an hlan.

Lea Michele hi Glee bakah, Scream Queens, The Mayor, The Mayor leh New Year's Eve-ah te pawh a lo inlan tawh a ni.