Ariana Grande leh 2 Chainz thawkdun

Ariana Grande leh rapper 2 Chainz-te chuan hla thar an tichhuak dawn a, an hla thar tur hi 'Rule The World' tih a ni. American singer-te hian an music video thar tur hi a ṭum hnih nan a teaser an tichuak leh tawh a, nghahhlehawm tawh tak a ni.

Ariana Grande hian kar hnih vel liamta khan an hla thar chungchang hi a lo sawilang tawh a, tunhnai khan a tarlang leh bawk. Beisei angin an tichhuak thei a nih chuan he thu i chhiar meuh chuan 'Rule The World' music video hi hmuh tur a awm tawh hial maithei a ni. A lyrics video pawh en tur a awm tawh bawk.

Rapper lar 2 Chainz leh Ariana Grande-te hi tunhma pawhin an lo thawkdun tawh ṭhin a, tun ṭuma an music video thar tur pawh hian ngaihven a hlawh hle a ni.