Mother Teresa film siam dawm

Indian politician Seema Upadhyay chuan Roman Catholic nun Mother Teresa-i chanchin tarlanna film a siam dawn. Hei hi 2020-ah tichhuah tur a ni dawn a, a changtu turte pawh an inrinsiak mek.

Mother Teresa biopic hi 'Mother Teresa The Saint' tih a ni dawn a, India rama rawngbawlna a kalpui dan hrang hrangte tarlan a ni ang. Seema Upadhyay-i hian a script a ziak dawn a, film pawh hi a direct nghal dawn bawk a ni.

A changtu tur lam tihfel la ni chiah lo mah se Bollywood star-te an inlan dawn tih a chiang tawh a, Hollywood lam pawh hmuh tur an awm mai thei bawk.

Film director tur hian Mother Teresa-i laizawn Prema Mary Pierick pawh a dawr tawh a, inbiakna an kalpui mek a ni. Kum 65 mi Prema Mary Pierick hian Mother Teresa-i'n kum 1950-a a din Kolkata-a Missionaries of Charity a enkawl mek a ni.

Mother Teresa hi Albanian niin, India ramah missionary-in a lo kal a - sulhnu ropui tak tak a hnutchhiah hnem hle a ni. India khua leh tui nihna pek a ni hial a, 1997 khan Kolkata-ah a boral a ni.

Kum 2003 khan a pual hian documentary 'Mother Teresa of Calcutta' chu tihchhuah a lo ni tawh a, 2014 khan a chanchin tarlanna 'The Letters' film chu siam a lo ni tawh bawk.