Latin AMA 2021 : Artist of the Year Bad Bunny a che ṭha ber

2021 Latin American Music Awards chu Ningani zan dar 7(ET) khan sem a ni a, Bad Bunny chu Artist of the Year atan thlan a ni a, zaithiam chuai thei lo Shakira chuan Favorite Artist - Pop award a dawng bawk.

Bad Bunny hian award a dawng hnem ber hrim hrim a, award paruk lai a hum haw a, nomination hmu tam pahnih J Balvin leh Karol G-te ai pawhin award a hum haw hnem zawk a ni. Karol G leh Nicki Minaj hla 'Tusa' pawh a hit hle a, award ngaihhlut tak tak Song of the Year bakah Favorite Urban Song leh Collaboration of the Year award-te an dawng.

Favorite Crossover Artist award chu Dua Lipa-in a dawng a, Social Artist of the Year atan Cardi B thlan a ni thung. New Artist of the Year chu Rauw Alejandro a ni a, Bad Bunny 'YHLQMDLG' chu Album of the Year-ah thlan niin Favorite Female Artist chu Anitta a ni a, Favorite Male Artist-ah Bad Bunny bawk thlan a ni.

Kumin Latin AMA hi a vawi rukna niin BB&T Center, Sunrise, Florida-ah semna neih a ni a, Telemundo chuan live-in an pe chhuak.